Shifra alarmante infektimesh e shtrimesh, ezaurohen shtretërit e spitaleve Covid
Shifrat e larta prej më shumë se një muaj e gjysëm nga COVID-19 në Shqipëri, kanë bërë që spitalet covid në Tiranë të tejmbushen.

Burimet nga ministria bëjnë me dije se janë ezauruar 550 shtretërit në 4 spitalet Covid në kryeqytet.

Për shkak të numrit në rritje të persona me covid që kanë nevojë për ndihmë mjekësore, Ministria e Shëndetësisë po vë në zbatim skenarin e parë për përfshirjen e 5 spitaleve rajonale, me pavionë të veçantë, të cilët do të trajtojnë të prekurit me Covid.

Numri total i shtretërve në 5 spitalet rajonale, të Durresit, Shkodrës, Elbasanit, Korçës dhe Vlorës arrin në 650.

Të hënën, të parët që janë hapur janë spitali i Durrësit dhe ai i Shkodrës. Në pavionin Covid në Spitalin e Durrësit aktualisht janë 70 shtretër, ndërsa tek ai i Shkodrës janë 100 shtretër.

Në rast se edhe 5 spitalet rajonale mbushen me pacientë, strategjia e Ministrisë së Shëndetësisë do të vijojë me 6 spitale të tjerë rajonale.


Shtuar më 15/02/2021, ora 18:01

Shkruani komentin tuaj!
Të fundit nga kjo kategori