Shehi: Amerika voton Trump-in që rri me gra të bukura, shqiptarët zgjodhën Ramën
Dashamir Shehi është një ndër politikanët më me përvojë në politikën shqiptare dhe si duket s’ka ndërmend të ndalet.

Në një intervistë në emisionin “Ditë e Re”, Shehi tha se mosha është një handikap i shoqërisë shqiptare, pasi në botë njerëzit e rëndësishëm rreth kësaj moshe vinë.

Shehi: Nuk jam dorëzuar se ndryshe do kisha dalë të shkruaja libra, të bëj kujtime.

Nuk më ka ardhur dita e kujtimeve, do presin dhe një dekadë se 59 vjeç jam. Politika nuk është basketboll, atletikë, politika është dhe eksperiencë.

Në botë njerëzit e rëndësishëm rreth kësaj moshe vijnë. Se duhet eksperiencë, nuk duhet vetëm energji. Shqipëria ka nevojë për të gjitha.

Ai në Amerikë voton Trump që është 70 vjeç, rri gjithë ditën me gra të bukura.

Bota shqiptare ka zgjedhur Edi Ramën, i ka pëlqyer. Për mua është më e keqja që kanë bërë, do ti shohin qederin por e kanë zgjedhur vetë, le të pësojnë vetë.

Kjo është formuala e demokracisë, nuk duhet të ankohemi fare. Nuk më vjen mirë kur vidhen votat, kur kriminelët komandojnë nëpër Shqipëri. Në këto zgjedhje janë vjedhur sa të duash.

Por nuk kemi të drejtë të ankohemi se kishim komisionerët dhe nuk janë vjedhur për të justifikuar humbjen që kemi pas. Humbja është përtej vjedhjes dhe kjo ka shkaqe të tjera politike. /albeu.com/

Shtuar më 05/10/2017, ora 15:10

Shkruani komentin tuaj!
Të fundit nga kjo kategori