SHBA: Nëse nuk ka marrëveshje, implementohet pavarësia sipas planit të Ahtisarit
Albeu.com
Shtetet e Bashkuara të Amerikës me ndojnë se po qe se nuk do të arrihet ndonjë marrëveshje në negociatat shtesë, atëherë do të pasojë zbatimi i planit Ahtisaari dhe pavarësia e mbikqyrur e Kosovës.Zëdhënësi i Departmentit të Shtetit, Tom Casey pwrkujtoi ëw një konferencw për shtyp se Grupi i Kontaktit dhe Treshja ndërkombëtare janë të angazhuar në negociatat midis përfaqësuesve të Kosovës dhe të Serbisë për gjetjen e një zgjidhje të pranueshme për të gjitha palët.
"Këto bisedime janë planifikuar të përmbyllen në fillim të dhjetorit", tha Casey për të shtuar se tashmë ka pasur edhe disapërparime në këto bisedime. Ai poashtu theksoi se SHBA dëshirojnë që palët të fokusohen në bisedime dhe negociata që të provojnë të arrijnë një zgjidhje të pranueshme.
"Nëse nuk do të arrihet kjo, atëherë ju e dini se politika e SHBA është shumë e qartë për këtë cështje. Ne besojmë se atëherë do të ishte e përshtatshme, pra nëse nuk arrihet një marrëveshje, qw të ecim përpara me implementimin e pavarësisë së Kosovës, fillimisht të
mbikëqyrur sipas propozimeve që përcakton plani i Ahtisarit", tha dje zëdhënësi i qeverisë amerikane.
I pyetur se a kanë arritur SHBA-të të bindin serbët dhe rusët lidhur me pavarësinë e Kosvës, Casey tha se qëllimi i negociatave që po i mbikëqyr Grupi i Kontaktit është që vetw palët të shqyrtojnë hollësitë e marrëveshjes.
"Sa i përket qëndrimit të Rusisë mendoj se ata e kanë bërë të qartë atë dhe ndoshta është më mirë të pyesni ata nëse e kanë ndryshuar këtë qëndrim", tha Casey.
Sot ndërkaq, dy zyrtarë të lartë të qeverisë amerikane, Sekretarja e shtetit, Condoleezza Rice dhe Sekretari i mbrojtjes, Robert Gates kanë nisur bisedimet të ashtuquajtura strategjike në Moskë me homologët e
tyre rusë në përpjekje për të tejkaluar dallimet mbi planet amerikane të raketave në Evropë, kufizimin e armëve si dhe statusin e ardhshëm të Kosovës.
Shtuar më 13/10/2007, ora 21:20
Tage: arkiv
Shkruani komentin tuaj!
Të fundit nga kjo kategori