U fotografua duke u evakuuar nga spitali i Mariupolit, ndërron jetë gruaja shtatzënë bashkë me foshnjën

Një grua shtatzënë e cila u fotografua duke u evakuuar nga një maternitet i bombarduar në qytetin ukrainas të Mariupol, ka vdekur së bashku me foshnjën e saj.

Ajo u dërgua me urgjencë në një spital tjetër pas sulmit rus javën e kaluar, raportoi agjencia e lajmeve AP.

Ndërsa mjekët u përpoqën ta shpëtonin – dhe duke kuptuar se po humbiste fëmijën e saj – thuhet se ajo bërtiti: “Më vrisni tani!”

Ijën e saj iu shtyp dhe legeni i saj u shkëput, zbuloi kirurgu Timur Marin.

Foshnja u lind me prerje cezariane, por nuk tregoi “asnjë shenjë jete”, shtoi kirurgu.

Duke u ndalur tek gruaja, “më shumë se 30 minuta reanimim i nënës nuk dhanë rezultat”.

“Të dy vdiqën,” tha kirurgu.

Pas bombardimeve, Rusia mohoi se kishte nisur sulme në një spital në qytetin port. Ambasadori i saj në OKB dhe ambasadori i saj në Londër, thanë se imazhet e mizorisë ishin “lajme të rreme”.

Moska pretendoi se ndërtesa ishte pushtuar nga ekstremistët ukrainas dhe se asnjë pacient apo mjek nuk kishte mbetur brenda.