Shqipëria e ka kaluar “relativisht mirë” fazën e parë të krizës ekonomike që filloi në shtator 2008. Por tani, sfida më e madhe e vendit tonë është që t’i shpëtojë efekteve anësore që mund të vijnë nga kriza greke.

Ky konkluzion është arritur nga Banka Evropiane për Rindërtim dhe Zhvillim (BERZH).

“Rreziku kryesor makroekonomik vjen nga kriza e Greqisë, më së shumti në formën e rënies së investimeve, remitancave më të ulëta, kosto më të larta vendore për degët e bankave greke dhe rënie të volumit të tregtisë”, thotë BERZH.

“Borxhi publik është relativisht i lartë së bashku me deficitin e llogarisë korrente, gjë që përbëjnë gjithashtu rrezik”, nënvizon instituti kryesor bankar i BE-së. /albeu.com/