Seseri: Këshilli i Bankës dështoi, Fullani dështoi dyfish
Pëlqej
Bordi Mbikqyrës i Bankës së Shqipërisë ka dështuar në përgegjësinë e vet të mbrojtjes së interesave të publikut, "si në nivelin e zbatimit të ligjit, si në nivelin e ndjekjes, monitorimit dhe auditimit të rregullave dhe zbatimit të tyre dhe në aspektin etik".

Kështu është shprehur në një intervistë për "Zërin e Amerikës" nga Bostoni, partnerja në kompaninë Fairhaven Capital, Rudina Seseri duke iu referuar rastit të vjedhjes së rreth 7 milionë dollarëve në Bankën e Shqipërisë dhe përgjegjësive që dalin prej kësaj vjedhjeje.

Seseri tha me tej se Guvernatori Ardian Fullani ka dështuar dyfish, si kryetar i këtij bordi dhe si drejtuesi i anës zbatuese të Bankës së Shqipërisë.

Ajo tha se shqetësimi i saj është sesi funksionon një institucion i pavarur kur nuk ka kontroll dhe balancë dhe kur ka rregulla të pashkruara, kur rregullat e shkruara dhe proceset nuk zbatohen, kur nuk ka auditime për vite dhe qe edhe kur bëhen janë të brendshme.
Shtuar më 22/08/2014, ora 09:24
Shkruani komentin tuaj!
Të fundit nga kjo kategori