Serbia bllokon kamionët e Kosovës në kufi, Rama i shkruan: Të lutem president...

Kryeministri Edi Rama ka reaguar pasi kamionë me mallra nga Kosova janë bllokuar në kufi me Serbinë.

Me anjë të një posti në Twitter, Rama i bën një thirrje Presidentit të Serbisë, Aleksandër Vuçic pas bllokimit të 24 kamionëve me mallraKosovës.

"Prej 24 orësh kamionët me mallra nga Kosova janë bllokuar në kufirin e Serbisë! Linja e gjelbër në rajon s’mund t’i nënshtrohet rregullave të çdo vendi, po veç një rregulli të thjeshtë: Këtë luftë që duhet ta fitojmë së bashku duke ndihmuar njëri-tjetrin jo armikun e pakufi!" shkruan Rama.

Ai i kujton Vuçiç se vetëm përmes solidaritetit pa kufi e kompasionit si njerëz të sulmuar nga një armik i egër, ne mund e duhet të fitojmë.

"Ju lutem z.President ngrijeni traun për kamionët e le ta bëjmë rajonin tonë shembullin rrezatues të solidaritetit kaq të nevojshëm për ta fituar luftën", thotë kreu i qeverisë shqiptare./albeu.com/
Shtuar më 31/03/2020, ora 17:40

Shkruani komentin tuaj!
Të fundit nga kjo kategori