Sequi vlerëson votat e djathta për Metën
Votat e djathta të marrë nga kryetari i ri i Kuvendit Ilir Meta janë cilësuar nga ambasadori i BE-së në vendin tonë, Ettore Sequi si një shenjë e mirë në bashkëpunimin mazhorancë-opozitë.

Në një prononcim për mediat në përfundim të seancës së Kuvendit, Sequi shprehu bindjen se zoti Meta do ta udhëheqë kuvendin në mënyrën më të mirë.

“Dëshiroj t’i jap urimet e mia më të mira zotit Meta për zgjedhjen e tij si kryetar i kuvendit dhe nuk kam dyshim se ai do ta udhëheqë kuvendin në mënyrën më të mirë. Gjatë fjalimit të zotit Meta, ai tha disa fjalë të rëndësishme, të cilat i mbajta shënim. Ai tha se integrimi i Shqipërisë në BE ecën në mënyrë paralele me integrimin mes mazhorancës dhe opozitës. Në fakt edhe unë thashë dje që shpresojmë që në parlamentin e ri të shikojmë më pak konfliktualitet dhe më shumë zgjidhje. Ai përdori fjalët reforma, transparencë, sipërmarrje të përbashkët, gjithëpërfshirje, zbatueshmërine e ligjeve.”- deklaroi ambasadori Sequi.
Shtuar më 10/09/2013, ora 14:46
Shkruani komentin tuaj!
Të fundit nga kjo kategori