Sekuestrohen 700 gram heroinë në Fier, arrestohen dy persona
Policia e Fierit godet një tjetër rast të shpërdarjes së drogave të forta.

Sektori për Hetimin e Narkotikëve gjatë finalizimit të operacionit antidrogë të koduar “Bjondi” bëri të mundur sekuestrimin e 700 gram lëndë narkotike heroinë, si dhe arrestoi dy persona të dyshuar si posedues të saj.

Të arrestuarit janë

1.Emiljano Peçi, 32 vjeç banues në lagjen “Liri Gero”, Fier.
2.Blendi Rushi, 38 vjeç, banues në lagjen “1 Maji” Fier.

Arrestimi i këtyre shtetasve u bë pasi gjatë kontrollit fizik të ushtruar, shtetasit Blendi Rushi u gjet dhe sekuestrua 1 dozë lëndë narkotike e dyshuar Heroinë dhe gjatë kontrollit në banesën e shtetasit Emiljano Peçi u gjet dhe u sekuestrua një sasi lënde narkotike e dyshuar Heroinë e ndarë në disa doza.

Grupi hetimor sekuestroi në cilësinë e provës materiale 700 gram lëndë narkotike e dyshuar Heroinë si dhe 1 peshore elektronike e cila shërbente për ndarjen në doza të kësaj lënde.

Materialet i kaluan Prokurorisë pranë Gjykatës së Shkallës së Parë Fier për veprime të mëtejshme për veprat penale “Prodhimi dhe shitja e narkotikëve” dhe “Trafikimi i lëndëve narkotike”. /albeu.com/
Shtuar më 21/06/2017, ora 17:27

Shkruani komentin tuaj!
Të fundit nga kjo kategori