Sekretari amerikan John Kerry vjen sot në Tiranë
Sekretari amerikan i Shtetit vjen sot në Tiranë në një vizitë 3 orëshe. Tirana është zbukuruar me flamuj shqiptarë dhe amerikanë anës rrugëve.
Prej orës 07:00 të

Gjithë strukturat e policisë dhe ajo Kriminale dhe e Antiterrorit nga ora 07:00 e mëngjesit të sotëm kanë kaluar në shërbim të përforcuar. Ndërkohë segmentet rrugore kryesore do të jenë të bllokuara deri në orën 15:00.

Drejtori i Përgjithshëm për Sigurinë, Altin Qato bëri të ditur dje se janë angazhuar mbi 1500 efektivë policie të cilët janë në gatishmëri për 8 orë për të kryer një kontroll të plotë të territorit dhe për të garantuar sigurinë e vizitës së kryediplomatit amerikan në vendin tonë.

Gjithashtu një helikopter i Forcave të Armatosura me një grup të Forcave Speciale të Ushtrisë do të monitorojë nga ajri.

Sekretari amerikan pritet të mbërrijë në orën 9.00 të paradites. E gjitha rruga nga aeroporti deri në bulevardin qëndror dhe akset ku do të lëvizë zoti Kerry do të jenë të ndaluara për qarkullim e do të jenë nën vëzhgimin e rreptë të forcave policore deri në orën 15:00.

Axhenda
Ora 09:00 Sekretari Amerikan i Shtetit pritet të mbërrijë në aeroportin “Nënë Tereza”. Presidenti i Republikës Bujar Nishani do të presë në aeroport për t’i dhënë mirëseardhjen e parë pas uljes së avionit.

Ora 10:10 Kerry dhe delegacioni amerikan do të mbërrijnë në Kryeministri për t’u takuar fillimisht me Ministrin e Punëve të Jashtme Ditmir Bushati.

Ora 11:00 Kryeministri Edi Rama dhe Sekretari Kerry do të kenë deklaratë për shtyp në përfundim të bisedimeve, por nuk do të lejohen pyetje nga gazetarët.

Prej aty Sekretari Amerikan i Shtetit John Kerry do të takohet me Kryetarin e PD Lulzim Basha dhe disa deputetë të PD. Takimi përmbyllës i vizitës të Kerry-t në Tiranë do të jetë me disa të rinj ku pritet të përcjellë mesazhe për të ardhmen dhe sfidat e Shqipërisë. /albeu.com/
Shtuar më 14/02/2016, ora 08:14
Shkruani komentin tuaj!
Të fundit nga kjo kategori