Roxhensa Kapurani e njohur si Marina Fara ka marrë masën “detyrim paraqitjeje” për shkak se u përfshi në përgjimet e policisë, në operacionin “Mezhgorani” ku u arrestuan më shumë se 30 persona.
Dyshimet për Marina Farën janë se ka ndihmuar dy të dyshuar për trafik të lëndëve narkotike të arratisen. Policia ka qenë duke ndjekur dy persona teksa me makinë, kanë qenë duke transportuar një sasi droge.
Fakti që po ndiqeshin nga forcat blu është pikasur nga dy djemtë, që menjëherë kanë braktisur mjetin me drogën brenda. Pasi kanë udhëtuar në këmbë, ata kanë telefonuar Marinën, së bashku me mikeshën e saj që ti shkojnë ti marrin. Burime nga policia bëjnë me dije se Roxhensa Kapurani, së bashku me mikeshën e saj kanë shkuar të marrin dy djemtë shkruan gsh.
Megjithatë nuk është mundur të faktohet se vajzat kanë pasur dijeni për drogën.
