Orges Shehi është zyrtarisht trajneri i ri i Kukësit. Lajmi që zbuloi Supersport ditën e dielë është konfirmuar edhe nga ana e klubit verilindor, me Shehin që ka firmosur deri në vitin 2021 dhe do të kërkojë të udhëheqë Kukësin drejt titullit kampion në këtë sezon.
Njoftimi i klubit:
Klubi i Kukësit njofton se ka arritur marrëveshjen me trajnerin Orges Shehi, për të marrë drejtimin e skuadrës. Pas bisedimeve që klubi ka pasur me teknikun, është gjetur gjuha e përbashkët dhe Shehi ka firmosur me Kukësin deri në verën e vitit 2021!
Në ambientet e “Air Albania”, Shehi është prezanyuar nga administratori Lavdrim Gjici dhe drejtori Sportiv, Nderim Nexhipi.
Shehi në karrierën e tij futbollistike ka arritur të fitojë trofe të shumtë me Skënderbeun si edhe numëron paraqitje në grupet e Ligës së Europës. Aventura si trajner nisi një vit më parë, kur për një sezon drejtoi skuadrën e Skënderbeut.
Klubi i uron Shehit mirëseardhje dhe suksese në krye të stolit të Kukësit.
