Pas kalimit të fazës paraprake të negociatave brenda mazhorancës, emri i Zaganjorit do të dërgohet paradite në tryezën e Gramoz Ruçit nga homologu i tij Astrit Patozi. Në rast se Ruçi nuk do të japë si përgjigje zyrtare të Partisë Socialiste, votimin pro kësaj kandidature, atëhere Zaganjori nuk ka shanse të jetë President i Shqipërisë.

Të gjitha gjasat,sipas Portalit Albeu, janë që opozita socialiste të mos japë një përgjigje të menjëhershme për këtë kandidaturë, duke rrezikuar që emri i Zaganjorit të mos futet për votim, të paktën në orën 10 të paradites sikurse është përcaktuar nga Konferenca e Kryetarëve. Nëse opozita nuk pranon Zaganjorin, aëhere mazhoranca duhet të mblidhet sërish për të gjetur një emër tjetër sërish konsensual, një veprim që mund të kryhet deri në tre herë, aq sa parashikon Kushtetuta për kandidatët konsensualë. Gjithsesi, raundi i parë për zgjedhjen e Presidentit vlerësohet i konsumuar,me apo pa kandidatë. /albeu.com/