Sa do u kushtojë qiraja e Pallatit të Kongreseve PD-së dhe PS-së
Pallati i Kongreseve është e vetmja shtëpi që ka pranuar të mbajë demokratë dhe socialistë nën të njëjtën çati. Para viteve ’90 do të njihej si pallati ku zhvillonte mbledhjet Partia e Punës, ndërsa në demokraci për spektaklet e ndryshme.Portali Albeu ka mundur që të sigurojë se sa do t’i kushtojë nga sot partive politike zhvillimi i organizimeve në Pallatin e Kongreseve. 450.000 lekë në ditë do t’i kushtojë partive politike salla e madhe , e njohur si salla e koncerteve, ndërsa në ditë përgatitore 112.500 lekë. Shuma stratosferike janë parashikuar edhe për hollet e Pallatit të Kongreseve.

Kjo godinë u ndërtua për organizimin e kongreseve të Partisë së Punës, por edhe të festivaleve. Punimet për ndërtimin e tij filluan në vitin 1982 dhe përfunduan katër vite më pas në vitin 1986.

Mjedisi kryesor është salla e madhe prej 2100 vendesh e kompozuar për të plotësuar kërkesat funksionale, artistike dhe akustike për zhvillimin e kongreseve, konferencave e koncerteve.

Pallati i Kongreseve u projektua që kthimi i sallës nga mjedis mbledhjeje në mjedis koncerti të projektohej me lehtësi. Për veprimtari të ndryshme u projektuan edhe tri salla me kapacitete 150, 280 dhe 300 vende si dhe shumë mjedise pune, shërbime e teknike. Rëndësi i është kushtuar trajtimit të holleve në tre katet, të cilat synohej të funksionin për shërbimet, pushimin, ekspozita e veprimtari të ndryshme. /Albeu.com/

Tarifat minimale të qirasë, të mjediseve për Pallatin e Kongreseve. të jenë:

I Dhënie zyrash me qira
A Me pajisje lekë/m2/muaj 2.000
B Pa pajisje lekë/m2/muaj 1.500

II Dhënie sallash me qira për 8 orë (1 ditë)
A Salla e koncerteve ditë aktiviteti lekë 450.000
B Salla e koncerteve ditë përgatitore lekë 112.500
C Salla e kinemasë për 1 ditë lekë 80.000
D Salla me përkthim për 1 ditë lekë 100.000
E Sallat e vogla për 1 ditë lekë 45.000
F Konferencë shtypi minimumi 1 orë lekë/orë 13.500

III Dhënie hollesh me qira për 8 orë (1 ditë)
A Holli kuota 0 lekë/m2/ditë 100
B Holli kuota 1 lekë/m2/ditë 300
C Holli kuota 2 lekë/m2/ditë 250
D Holli kuota 3 lekë/m2/ditë 250





Shtuar më 21/02/2014, ora 23:47

Shkruani komentin tuaj!
Të fundit nga kjo kategori