Ruçi shpjegon se pse u shty me 7 ditë afati për ngritjen e komisioneve të Vettingut
Ka nisur me dy orë vonesë nga sa ishte paralajmëruar seanca Plenare.
Kjo seancë është parashikuar për të votuar emrat për anëtarët të komisionit të Posaçëm të Vettingut.

Megjithatë pak para nisjes së seancës plenare, në konferencën e kryetarëve është vendosur që të shtyhet me 7 ditë afati për votimin e anëtarëve të Komisionit të posaçëm.

Këtë e ka konfirmuar vetë kreu i Kuvendit, Ilir Meta si dhe vetë Ruçi.

Sipas këtij të fundit, arsyeja është sepse në listën e parë të kandidatëve janë 21 aplikantë për 28 vende në komisionet e vettingut, ndërsa në listën e dytë të ardhur nga Avokati i Popullit, kandidatët kanë probleme dokumentacioni, ndaj do t’u jepet një tjetër mundësi që paraqesin dokumentacionin e plotë.

“Sot parlamenti u mblodh për të ngritur komisionin ad hoc. Në zbatim të reformës për drejtësi, presidenti i Republikës nuk e ushtroi kompetencën që kishte dhe ja kaloi Avokatit të Popullit i cili ka zbatuar rigorozisht kushtetutën për këtë çështje.

Produkti i këtij procesi solli në parlament 21 kandidatë për 28 vende. Solli edhe një listë të dytë me emra që nuk plotësojnë kriteret për mungesë dokumentacioni. Kështu që komisioni që do ngrinte parlamenti sot do kishte vetëm 21 kandidatë për 28 vende. Ndaj ne nuk e pamë të arsyeshme që të bëhej votimi sot”, tha Ruçi.

Dy projektvendimet që do diskutoheshin sot janë: Projektvendim “Për procedurat parlamentare për funksionimin e komisioneve ad hoc dhe realizimin e procesit të votimit sipas ligjit nr. 84/2016">2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” (neni 55, Rregullore, votim me shumicë të thjeshtë)
Projektvendimi “Për krijimin dhe përbërjen e komisionit ad hoc për verifikimin e kandidatëve për institucionet e rivlerësimit sipas ligjit nr. 84/2016">2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” (neni 55, Rregullore, votim me shumicë të thjeshtë).
Shtuar më 06/03/2017, ora 20:16

Shkruani komentin tuaj!
Të fundit nga kjo kategori