Rrugët e Dibrës të mbuluara në akull, bëhen të pakalueshme këto akse
Temperaturat e ulëta dhe reshjet e dëborës gjatë ditës së sotme kanë bërë që shumë akse në rugët e Shqipërisë, të bëhen të pakalueshme.

Probleme ka pasur edhe në Bulqizë dhe Dibër, ku shumë rrugë kanë mbetur të mbyllura.

Gjendja e segmenteve rrugorë:

Aksi nga Pishat deri në Qafën e Buallit është i kalueshëm vetëm me zinxhirë, pasi ka prezencë akulli.

Aksi Ura e Çerenecit-Librazhd i bllokuar nga Ostreni drejt Klenjës, trashësia e borës kalon 70 cm.

Aksi Peshkopi-Qafë Draj- Kukës i bllokuar nga Zall Dardha deri në Qafë Draj.

Aksi Peshkopi – Kala e Dodës – Kukës duhet të përdoren detyrimisht zinxhirët.

Gjithashtu, të bllokuara janë rrugët e brendshme të njësive administrative Lurë, Selishtë, Luzni, Kala e Dodës, Sllovë dhe disa fshatra të Melanit.

Në Bulqizë janë të bllokuara njësitë administrative Ostren, Trebisht, Zerqan, dhe Martanesh. /albeu.com/


Shtuar më 14/02/2021, ora 19:33

Shkruani komentin tuaj!
Të fundit nga kjo kategori