Rrihnin gratë dhe fëmijët, arrestohen 2 burra në Elbasan
Policia ka vënë në pranga dy burra pasi kanë dhunuar gratë e tyre.

Burime zyrtare nga policia bëjnë me dije se njëri nga të arrestuarit ka dhunuar edhe vajzën e tij 23-vjeçare.

Njoftimi i policisë

Sipas të dhënave zyrtare, specialistët e Seksionit për Hetimin e Krimit në Komisariatin e Policisë Elbasan dhe Librazhd bënë arrestimin në flagrancë të shtetasit Marku Tollumi, 62 vjeç banues në fshatin Shelcan, i cili u bë pasi në banesë dyshohet të ketë ushtruar dhunë fizike ndaj bashkëshortes së tij, shtetases B.K., 57 vjeçe.

Po kështu është arrestuar Hyqmet Muça, 57 vjeç, banues në Elbasan. Arrestimi i tij, u bë pasi pranë tregut të Librazhdit, në mënyrë të vazhdueshme dyshohet të ketë ushtruar dhunë fizike ndaj bashkëshortes shtetases E.M., 50 vjeçe dhe vajzës së tij shtetases A.M., 23 vjeçe.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje”. /albeu.com/
Shtuar më 07/01/2018, ora 10:27

Shkruani komentin tuaj!
Të fundit nga kjo kategori