Presidenti Bajram Begaj ka pritur në një takim Presidenten e Kosovës, Vjosa Osmani.
Në një konferencë të përbashkët për mediet, Begaj theksoi se duhet një koordinim më i mirë me partnerët strategjikë si SHBA dhe BE lidhur me situatën në veri, pasi askush nuk mund të cenojë integritetin territorial të Kosovës.
Shqipëria është e angazhuar të kontribuojë me çdo mjet në funksion të dialogut Kosovë-Serbi.
Gjithashtu gjatë takimit, vëmendje i është kushtuar edhe procesit të integrimit evropian, bëri me dije Begaj.
Për sa i përket liberalizimit të vizave të Kosovës, Begaj tha se ky është një veprim i vonuar dhe se Shqipëria mbështet fuqishëm aspiratat e Kosovës për rrugëtimin euro-atlantik.
Begaj: Askush s’ka pse çuditet që Kosova është prioriteti kombëtar i Shqipërisë. Shqiptarët kanë vërtetuar me vepra se janë faktor paqeje në rajon.
Në fund, Presidenti falënderoi Osmanin për vizitën. /Albeu.com/
