Bashkia e Tiranës ka paraqitur një projekt për zgjidhjen e kaosit të trafikut tek rrethrrotullimi i doganës. Kjo gjë sipas Drejtorisë së Transportit do të kryhet nëpërmjet shtimit të korsive të lëvizjes për automjetet dhe ndërtimin e trotuareve për këmbësorët.


Puna për risistemimin e rrethrrotullimit do të zgjasë 45 ditë. Skema e qarkullimit të automjeteve nuk do të ndryshojë, sepse punimet do të kryhen jashtë orëve të pikut si dhe gjatë natës. Policia Rrugore dhe ajo Bashkiake do të ndihmojnë dhe asistojnë përdoruesit e këtij rrethrrotullimi. /albeu.com/