Një makinë ka dalë nga rruga në aksin nacional Korçë-Maliq dhe është përmbysur këtë mëngjes.

Sipas informacioneve paraprake mësohet se mjeti ka dalë nga rruga në afërsi të kryqëzimit të Libonikut, ndërsa dyshohet se shkak për këtë të jetë bërë lagështira në rrugë e si pasojë mjeti ka rrëshkitur dhe është përmbysur.

Drejtuesi i mjetit ka mbetur i lënduar dhe ndodhet në spital. Policia aktualisht ndodhet në vendngjarje.