Rrëfehet shoku i Boçit: Sa u futëm në makinë na qëlluan me breshëri
Emiljano Boçi u ekzekutua me armë zjarri gjatë kohës kur ishte me shokun e tij Melvi Disha dhe të dashurën në makinë.

Kjo e fundit, e cila përflitet se ishte e dashura e Boçit, i shpëtoi për mrekulli atentatit ë ndodhur në zonën e ish-Parkut të Autobusëve në kryeqytet, ndërsa Melvi Disha mori një plumb në shpatull, shkruan BW.

Gjatë së martës, Melvi Disha është marrë në pyetje nga policia në ambientet e spitalit të Traumës aty ku dhe po merr mjekim.

27-vjeçari ka thënë para uniformave blu se nuk ka mundur të shquajë personin që ka qëlluar, pasi është detyruar të shtrihet në sedilje për të mbrojtur veten.

“Pasi dolëm nga lokali u drejtuam drejt makinës dhe nuk pamë asgjë te pazakontë. U ula te sedilja e pasme pas shoferit. Sapo u futëm në makinë na qëlluan.

Kur më preku plumbi jam shtrirë në sedile dhe kam mundur të lëviz vetëm disa minuta pasi përfunduan të shtënat. Nuk e kam idenë kush mund të jetë autori”, ka dëshmuar ai në polici. /albeu.com/

Vrasja e Emiljano Boçit në Tiranë, rrëfehet shoku i plagosur: Sapo u futëm në makinë…

Shtuar më 17/01/2018, ora 12:48
Shkruani komentin tuaj!
Të fundit nga kjo kategori