Rama rrëfehet për luksin dhe charterat: Krahasimi me veten, Nanon dhe Berishën
Kryeministrit Rama duket se po i prishin shumë punë për çështje imazhi fotot e tij duke hipur e zbritur në chartera dhe helikopterë për të parë një ndeshje, për një drekë apo për të marrë pjesë në një cerëmoni inagurimi, siç ndodhi pak javë më parë kur fluturoi direkt nga Tirana me bashkëshorten Linda Basha për në Ankara.

Nisur nga kjo, ai ka dhënë një përgjigje të pazakontë në Facebook duke u rrëfyer në një farë mënyrë për udhëtimet e tij me chartera dhe helikopterë.

Rama shkruan:

"Eshte per te ardhur keq se si peshkohen sot njerez jo keqdashes nga lajmet e rreme e nga akuzat neper rrjetet sociale!

Sa per dijeni, une kam vendosur qysh diten e pare rregullin qe qeveria, qe nga kryeministri e me radhe, nuk udheton me ne business class po ne klasen ekonomike si gjithe njerezit e zakonshem.

Se dyti une kurre nuk kam marre nje bilete per veten e lere me pastaj per familjen, kur kam udhetuar (ne shume pak raste ne keto pese vjet, sepse edhe pushimet i’a kam ndaluar vetes e ministrave t’i bejne jashte Shqiperie) per arsye joshteterore dhe si rrjedhoje udhetimet e mia i kane kushtuar me pak buxhetit te shtetit se sa ato te tjeterkujt ne detyren time - rastet e udhetimeve te punes me charter nuk e kane renduar asnjehere buxhetin e shtetit dhe nuk jane perdorur kurre per arsye private apo per familjen time siç eshte genjyer paturpesisht ne rrjetet sociale.

Se treti, une isha ne Torino si i ftuar i klubit te Juventusit dhe fale mikut tim Igli Tare qe me dha mundesine e udhetimit me charterin e prenotuar prej atij vete, duke qene se ndodhet ne Shqiperi me pushime. Pra shkurt, udhetimi im nuk kushtoi as edhe nje qindarke te vetme, zero👌Keshtu qe me vjen sinqerisht keq po edhe per te qeshur te them te drejten, kur degjoj e lexoj per te tilla muhabete krejt pa lidhje me personin tim.

Kush me njeh, e di fare mire se s’jam aspak i dhene pas qejfeve, luksit, restoranteve e lere pastaj makinave, helikoptereve e avioneve, automjete me te cilat me lidh thjesht puna! Pasionet e politikes, artit, librave e filmave, me dalin e teprojne si kalimtar mbi kete toke😊 Kush s’me njeh le te mundohet ta marre me mend se ka edhe keshtu ne kete bote te larmishme😉".

Megjithatë, në gjithë këtë rrëfim, Rama harron ose bën sikur harron të tregojë se me çfarë janë parapaguar apo do të paguhen udhëtimet në fjalë, pasi siç thonë edhe ekonomistët më të njohur të këtij të dy shekujve të shkuar: Nuk ka asnjëherë drekë falas!
Shtuar më 28/08/2018, ora 15:17

Shkruani komentin tuaj!
Të fundit nga kjo kategori