Romët do strehohen në një ish-repart ushtarak
Nën drejtimin e Zëvendëskryeministrit Niko Peleshi u zhvillua mbrëmë mbledhja e Këshillit të Ministrave e datës 27 shtator 2013. Gjatë mbledhjes u vendos që ish- Reparti Ushtarak 1005, me vendndodhje në Shish Tufinë, të kalojë në varësi të Ministrisë së Mirëqenies Sociale dhe Rinisë.

Ky repart do të shërbejë për strehimin e 37 familjeve rome. “Shumë i lumtur që sapo aprovuam në qeveri vendin e ri per strehimin e 37 familjeve rome. Falenderoj Mimi Kodhelin për ndihmwn dhe gjithë stafit të MMRS dhe mirenjohje për durimin e mirekuptimin 37 familjeve, mediave, organizatave dhe aktivistëve të palodhur. Po nisim përgatitjet për sistemimin, ekpin mjekësor dhe shkollën”, u shpreh Veliaj pas vednimit.







Në këtë mbledhje u miratuan edhe disa vendime të tjera:

1. Kalimi në administrim i ish Repartit Ushtarak 1005 me vendndodhje në Shishtufinë nga Ministria e Mbrojtjes te Ministria e Mirëqenies Sociale dhe Rinisë. Ky vendim bëhet me qëllim akomodimin e 37 familjeve rome që jetojnë pranë ish Ndërmarrjes së Dekorit.

Kjo është një krizë që vazhdon tashmë prej disa muajsh dhe në mbledhjen e 3-të të saj qeveria vendos për strehimin dhe akomodimin e tyre.

2. Shfuqizimin e vendimit të qeverisë të datës 7 gusht për heqjen nga fondi pyjor kullosor të “Mali i Rrencit- Kakariq” Lezhë. Në mbledhjen e sotme qeveria e riktheu këtë pronë në fondin pyjor kullosor.
Një nga angazhimet e qeverisë Rama është shfuqizimi i vendimeve të qeverisë të marra pas datës 23 qershor. Ky vendim i mësipërm është në kuadër të këtij procesi.

3. Lirimin nga detyra të znj. Kreuza Leka nga detyra e Drejtorit të Përgjithshëm të Agjensisë Kombëtare të Planifikimit të Territorit dhe emërimin në këtë detyrë të znj. Adelina Greca.

4. Për përcaktimin e fushës së përgjegjësisë shtetërore të Ministrisë së Financave.

5. Për përcaktimin e fushës së përgjegjësisë shtetërore të Ministrisë së Drejtësisë.

6. Për përcaktimin e fushës së përgjegjësisë shtetërore të Ministrisë së Arsimit dhe Sportit.

7. Për përcaktimin e fushës së përgjegjësisë shtetërore të Ministrisë së Kulturës.

8. Për përcaktimin e fushës së përgjegjësisë shtetërore të Ministrisë së Mirëqenies Sociale dhe Rinisë.

9. Për një ndryshim dhe shtesë në vendimin nr.833, datë 18.9.2013, të Këshillit të Ministrave, “Për përcaktimin e fushës së përgjegjësisë shtetërore të Ministrisë së Energjisë dhe Industrisë”.
Shtuar më 28/09/2013, ora 09:48
Shkruani komentin tuaj!
Të fundit nga kjo kategori