Robert Ndrenika i bën parashikimin Ramës: Dhe dy vite je në pushtet!
Vazhdojnë protestat për Teatrin Kombëtar nga aktorët të cilët i kanë dhënë zë këtij teatri në dekada me rradhë.

Si në çdo protestë tjetër, ka marrë pjesë edhe Robert Ndrenika i cili këtë rast ka ashpërsuar gjuhën ndaj Ramës.

"Ky Teatër ishte çerdhja jonë, kopshti ynë, nuk kemi marrë ndonjë rrogë të madhe, e kemi shtyrë me tallona e …Por unë shoh që ne në një mendje jemi të gjithë. Ka mendime të ndryshme, por kundër asaj PPP-së, jemi të gjithë në një mendje.

Ai donte të bënte një P…, me një çiban në kokë, më ’97. Tani do të na nxjerrë ca çibanë, por jo këtu në kokë, por rreth e rrotull nëpër trup. Unë jam kundër PPPsë, jam i mendimit dhe kam qenë që Teatrin Kombëtar, shtetëror, duhet ta bëjë shteti, e ka për detyrë ta bëjë shteti.

Në këtë drejtim i bëj thirrje edhe presidentit të Republikës të prononcohet në këtë pikë: duhet ta bëjë shteti Teatrin Kombëtar apo jo?

Ndërsa PPP-ja po të ketë dëshirë le të bëjë teatro private sa të dojë. Tani, ç’mendje kam? E kam parë këto ditë me vëmendje dhe këtë sallë, dhe Eksperimentalin.

Kjo që u lye e u mirëmbajt, siç e kemi thënë të gjithë, kjo rron. Por edhe për Kombëtarin, që nuk është vënë asnjë gozhdë gjatë këtyre 27 vjetëve, unë ju siguroj dhe kjo mund të qëndrojë dhe 70 vjet të tjera, pa vënë asnjë gozhdë.

Kam mendimin që ne të presim, se edhe një vit apo dy ne nuk e heqim dot, por ai do të largohet vetë dikur…Ai do të të PPP… se s’ka nga shkon. Ne të presim dhe pastaj të vazhdojmë punën këtu.

Dhe mbasi Kryeministri të PPP-jë…, ne të vazhdojmë të bëjmë teatër e të zgjedhim rrugën tonë. Të paktën, të na lërë të qetë"- ka thënë Ndrenika. /albeu.com/
Shtuar më 03/04/2018, ora 09:41
Shkruani komentin tuaj!
Të fundit nga kjo kategori