Rizgjohet PD, sekretari i Bashës jep paralajmërinin e fortë
Pas kthimit të Lulzim Bashës nga pushimet, PD ka nisur seriozisht punën për një opozitë të re.

Enno Bozdo, Sekretari Organizativ i PD-së, e sheh si shqetësuese situatën brenda PD-së pas humbjes së thellë të 25 qershorit, por jo të pariparueshme.

Z. Bozdo shpreh besimin se PD-ja do të ringrihet shumë shpejt dhe se do të rikthehet në ditët e saj më të mira.

Por ai këshillon liderin Lulzim Basha që të nxjerrë nga stoli rezervë më të aftët, t’i nxjerrë në vijën e parë të përballjes, shkruan GSH.

Sipas tij, PD-së nuk i duhen kacavjerrësit dhe klounët, por njerëzit me integritet të lartë shoqëror, profesional dhe karakterial.

“Dhe këta njerëz PD-ka i ka. Madje jo pak. Dhe nuk e ka më luksin t’i mbajë në stolin rezervë. Jo më! Tashmë duhet t’i nxjerrë në vijë të parë të përballjes”, shprehet z. Bozdo. /albeu.com/



Shtuar më 24/08/2017, ora 10:54
Shkruani komentin tuaj!
Të fundit nga kjo kategori