U konfliktua me pronarin e një lokali dhe mbante thikë me vete, arrestohet 21-vjeçari në Fier

Policia ka arrestuar në Fier një 21-vjeçar pasi është konfliktuar me pronarin e një lokali. Gjatë një kontrolli fizik atij i është gjetur dhe një thikë.

Gjithashtu është arrestuar K. G., 20 vjeç dhe është shpallur në kërkim A. G., 36 vjeç, në Patos, pasi janë autorë të dyshuar të kultivimit të fidanëve cannabis sativa.

Njoftimi i policisë:

Fier

Shërbimet e Komisariatit të Policisë Fier, në bazë të informacioneve të siguruara në rrugë policore dhe në vijim të kontrollit të territorit, me qëllim evidentimin dhe goditjen e rasteve të tentativës për kultivim të bimëve narkotike, në lagjen “Grizë Lënginas” Patos, kanë evidentuar të kultivuar fidanë të dyshuar cannabis sativa.

Në përfundim të veprimeve të para hetimore, specialistët për Hetimin e Krimeve në Komisariatin e Policisë Fier arrestuan në flagrancë shtetasin K. G., 20 vjeç, dhe shpallën në kërkim shtetasin A. G., 36 vjeç, banues në Patos, pasi janë autorë të dyshuar të kultivimit të fidanëve cannabis sativa.

– – –

Specialistët për Hetimin e Krimeve në Komisariatin e Policisë Fier, arrestuan në flagrancë shtetasin K. B., 21 vjeç, banues në fshatin Topojë, Fier, pasi është konfliktuar me pronarin e një lokali në qytetin e Fierit dhe gjatë kontrollit fizik i është gjetur dhe sekuestruar një armë e ftohtë (thikë).

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme./albeu.com


Shtuar 17.07.2021 08:58