Raporti i "Freedom House", reagon sërish Presidenti Meta
Kreu i shtetit Ilir Meta, ka reaguar sërish në rrjetin social Facebook në lidhje me raportin e Freedom House për udhëheqësit në Ballkan.

“Standardet e drejtësisë janë të lidhura ngushtësisht me standardet e demokracisë. Ndaj ky shqetësim i veçantë në raportin e “Freedom House” meriton reflektim të thelluar.” Shkruan Meta në një postim në facebook, ku ndan pjesë të raportit.

DREJTËSIA NË SHËRBIM TË POLITIKËS

Ligji është një shpatë me dy tehe. Në autokraci, është arma kryesore politike e atyre që janë në pushtet, e përdorur për të heshtur kundërshtimin, për të penguar konkurrencën dhe nëse gjithçka tjetër dështon, për të dërguar kritikët në burg.
Megjithatë, në vendet demokratike, ligji i udhëhequr nga gjyqtarë të pavarur shërben pikërisht për qëllimin e kundërt.

Është mbrojtja e fundit kundër shtrirjes së ekzekutivit dhe garancia kryesore që ata që janë në pakicën politike mund të vazhdojnë të ushtrojnë të drejtat e tyre, të flasin për problemet e qeverisjes dhe në fund të fundit të fitojnë pushtetin përmes zgjedhjeve.


Shtuar më 06/05/2020, ora 12:40

Shkruani komentin tuaj!
Të fundit nga kjo kategori