Ndërkohë që vendi është në shtet-rrethim për shkak të Koronavirusit, një aksident me përmasa tragjike në njerëz është regjistruar mbrëmjen e sotme
Në kryqëzimin e Borizanës në Fushë Krujë një automjet është përplasur me një kamion, ku si pasojë e përplasjes, 3 persona kanë humbur jetën, dhe është plagosur rëndë një tjetër.
Në vendin e ngjarjes kanë mbërritur autoambulancat e Laçit dhe të Krujës të cilët kanë marrë 3 personat e pajetë.
Ndërkohë që personi i 4-t mësohet se ndodhet në gjendje të kritike për jetën. Ai është transportuar menjëherë për në Spitalin e Traumës në Tiranë.
Rrethanat me të cilat ka ndodhur ky aksident tragjik janë ende të paqarta.
Siç duket edhe në pamjet e siguruara, makina tip Audi AA 848 ZZ është përplasur me një kamion me targa të Kosovës.
Ajo që raportohet është se të 4 personat mësohet se janë nga Fushë-Kruja. /abcnews
