Rama: Shërbim konsullor online, i japim fund zvarritjeve dhe kostove të larta
Kryeministri Rama ditën e sotme bëri thirrje se të gjithë shqiptarët që punojnë dhe jetojnë jashtë vendit mund të përdorin shërbimet konsullore online.

“Reforma e Shërbimit Konsullor për Shqipërinë e Gjeneratës Tjetër – Marrin fund më në fund, zvarritjet e panumërta dhe kostot e larta të shërbimit konsullor që prej 25 vjetësh u kanë nxirë jetën shqiptarëve jashtë atdheut”, shkruan kryeministri Rama në rrjetin social “Facebook”.

Kryeministri Rama u ndal edhe tek bashkëpunimi me Kosovën në kuadër të këtij projekti, duke i dhënë një përgjigje edhe të gjithë atyre që e shohin me sy tjetër këtë gjë.

“Mund të bashkojmë asetet dhe burimet me Kosovën, dhe të veprojmë me një sportel të vetëm. Kjo nuk do të thotë Shqipëri e madhe, por ulje kostosh për të dy vendet, dhe afrim sa i madh i qytetarëve. Mbase dikujt kjo i duket Shqipëria e Madhe dhe nuk i pëlqen, por ky është problemi i tij. ne jemi të gatshëm të mirëpresim këdo që dëshiron të na bashkohet”, u shpreh kryeministri Rama.

Sakaq, kreu i Qeverisë u ndal edhe tek vota e shqiptarëve që punojnë dhe jetojnë jashtë vendit, duke theksuar se me procesin e regjistrimit do të mundësohet edhe të pasqyrohet në votë vendimmarrja e shqiptarëve kudo ndodhen./albeu.com/


Shtuar më 15/02/2017, ora 13:59

Shkruani komentin tuaj!
Të fundit nga kjo kategori