"Rama po bën gati valixhet", mesazhi i banorëve të Astirit
Dita e sotme është dita e 67 e protestës së banorëve të Unazës së re.

Pavarësisht motit të keq ata nuk janë tërhequr dhe kanë pasur mesazhe të qarta.

“Në qoftë se duan të jetojnë, të rrijnë larg Unazës së re. Shtëpiat tona ne do t’i gëzojmë. Ne jemi më të vendosur se kurrë të mbrojmë shtëpitë tona. Ta harrojnë se do t’ia gjejmë vrimat ku janë fshehur të dy. Ata drejtora dhe shefave të komisariatit do të jenë pas hekurave, sepse Rama po bën gati valixhet për t’u larguar me spurën e tij.

Përballemi me çdo provakacion, që janë mercenarë të këtij pushteti dhe e kanë shitur lëkurën e tyre shumë lirë. Nuk mund të bëhet një projekt nga një studio private, ndaj ne jemi për anulimin e këtij projekti dhe nuk ka për t’u hapur kurrë. Vetëm në qoftë se bëjnë masakër këtu do të vazhdojë ky projekt”, u shpreh një nga banorët. /albeu.com/
Shtuar më 11/01/2019, ora 18:01
Shkruani komentin tuaj!
Të fundit nga kjo kategori