Rama për "Bild": Do kërkoj drejtësi në gjykatat gjermane
Kryeministri Rama ka folur me tone kërcënuese ndaj demokratëve që po tentojnë të bllokojnë zgjedhjet e 30 qershorit duke i quajtur "haxhiqamilë".

"Drejtësia që bën siur vonon, por nuk harron do të vendoset shpejt në vend", tha Rama.

Në lidhje me përgjimet e "Bild" kryeministri tha se do të kërkojë drejtësi në Gjermani ndaj gazetarit që publikoi përgjimet.

Nga foltorja e Kuvendit, kryeministri Edi Rama sulmoi opoiztën, ish-kryeministrin dhe Presidentin e vendit, Ilir Meta.

“Duhet të jemi të vetëpërmbajtur. Mbase plani është për të bërë një 2 prill sot pasdite.

Historia ka treguar se asgjë nuk ka ndryshuar në qasje dhe në metodë, në atë që konsiderohet si lideri suprem i PD dhe fatkeqësisht dhe ky është edhe rezultati i përfshirjes skandaloze të atij që sot është në zyrën e presidenti, por sot e ka humbur të drejtën për të qëndruar në atë zyrë, sepse po i hedh benzinë zjarrit.

Nëse presidenti do të ishte i shqetësuar për situatën në burgje, ai e ka dërguar letrën në adresën e gabuar pavarësisht se ai ndihet si komandanti suprem.

Tani më farsa është në sy të të gjithëve, ajo që është për tu përsëritur edhe se policia e shtetit është vendosur në një trysni të jashtëzakonshme dhe meriton respektin dhe angazhimin për të qenë të vetëpërmbajtur.

30 qershori është një datë që vjen shumë shpejt, ndërkohë drejtësia do të behët në vijim dhe do të duhej të përgjigjesh. Këta kryebashkiakë, të cilët e dinë shumë mirë se nuk i ka nxjerrë kjo qeveri, por lidershipi i tyre. Përgjimet dalin për koka me një zbrazëti të konsiderueshme.

Çdo bisedë edhe ajo më e jashtëzakonshme tingëllon ndryshe kur del nga konteksti. Ata përgjime po e luajnë rolin për atë që janë bërë.

Jemi në kushte kur është vendosur antena mbi të gjithë shtabin e PS dhe jo mbi palën tjetër, por rëndësi ka që pse nuk u hetua, pse nuk doli një urdhër i vetëm për të kapur në flagrancë dhe përfunduan në PD. Pse dolën tani dhe pse dolën në Gjermani dhe si shpjegohet kjo.

Çdo shqiptar që di të lexoje është një sallatë fjalësh. Brenda katër javësh, do t’u kërkojë gjykatave gjermane të zbardhin të vërtetën për gjithçka që është thënë për mu”-tha Rama.
Shtuar më 20/06/2019, ora 12:30
Shkruani komentin tuaj!
Të fundit nga kjo kategori