Rama: Nese nuk zgjidhet kriza, vale protestash
Albeu.com
Një ditë pasi deputetët e PS hynë në Kuvend , kreu i socialistëve Rama ka deklaruar se reagimi i qeverisë ndaj përpjekjes së opozitës për zgjidhjen e krizës ishte e padenjë. Gjatë një bashkëbisedimi me gazetarë, kryesocilisti ...... Rama i ka bërë apel komunitetit ndërkombëtar që të mos lejojë rëndimin e krizës. Por njëherësh ai ka deklaruar rikthim të protestave nëse mazhoranca nuk pranon të zgjidhë krizën. "I bëj apel komunitetit ndërkombëtar që mos lejojë që kjo krizë të mos rëndohet për shkak të refuzimit të qeverisë për të njohur krizën.
Ne jemi të vendosur të rinisim protestat në rast se kriza nuk pranohet dhe nuk zgjidhet", u shpreh Rama. Lideri i opozitës
shprehu keqardhje për reagimin e qeverisë për vendimin e deputetëve të PS për të hyrë në Kuvend. " Shpreh keqardhje për reagimin e qeverisë ndaj hapit të hedhur nga opozita në kërkim të zgjidhjes së krizës. Reagim i padenjë për nivelin e përgjegjësisë që ka qeveria për zgjidhjen e krizës, i padenjë për momentin shumë delikat që kalon vendi dhe pritshëmrinë legjitime të qytetarëve për zgjidhjen e krizës. I padenjë në raport me detyrimin e përbashkët të një komuniteti ndërkombëtar të shqetësuar që kërkon zgjidhje të krizës", u shpreh Rama.
Sipas Ramës, dje pushteti u soll si të mos kishte krizë, për ta trajtur hyrjen e PS-së në Kuvend si pjesë të argumentave të turpshëm, për ta eksportuar krizën e thellë të demokracisë brenda PS-së përmes instrumentave të një propagande.
Lidhur me dy propozimet e PS-së depozituar dje në Kuvend , Rama tha se ato u trajtuan si pjesë e axhendës së Parlamentit.

Kreu i PS-së theksoi se sot nuk ka më bojkot, por ka krizë. Ai kërkoi nga kryeministri të tregojë vullnet për hapjen e kutisë së Ruzhdies, ku Berisha pretendon se ka fituar. "Ky veprim do të çojë drejt rrugës së zgjidhjes", theksoi Rama.

Më tej kreu socialist shtoi se opozita nuk pret zgjidhje nga Komisioni i Venecias.
Shtuar më 26/02/2010, ora 20:19
Tage: arkiv
Shkruani komentin tuaj!
Të fundit nga kjo kategori