E FUNDIT/ Kapen 200 kg kokainë në Elbasan
Rama në ceremoninë diplomimit të studentëve të Ekonomikut
Kryeministri Edi Rama ftoi sot studentët e sapodiplomuar të Fakultetit Ekonomik të japin kontributin e tyre për ta bërë Shqipërinë një vend ku profesionisti është më i rëndësishëm se kryeministri. Në ceremoninë e diplomimit, Kryeministri Rama u shpreh se ekonomia e vendit po kalon një ndër momentet më të vështira dhe duhet bërë një kapercim i ri.

“Për nje vend është shumë më i rëndësishëm profesionisti se sa kryeministri. Që vendi të shkojë në rrugën e duhur, nuk mjafton të ketë një kryeminsitër, por duhet të ketë profesionistin më të rëndësishëm se kryeministrin. Ekonomia e vendit po kalon një ndër momentet më të vështira, për arsye që nuk janë ato të shumë viteve më parë, por njësoj si herë të tjera vite më parë, na duhet të bëjmë një kapërcim të ri. Kjo që po ndodh këtu sot, është e mirë për vendin, dita e diplomimit tuaj është shumë e mirë për vendin. Është ogur i mirë për vendin, që ndër ju ka plot që diplomohen me medalje ari, përulem para tyre. Ka dhe një rrugë tjetër, rruga e kapërcimit të krizës duke përfituar nga vetë kriza. Kjo është edhe sfida jonë, dhe jam i bindur që në këtë sfidë, ju nga sot, jeni një vlerë e shtuar dhe një aset i çmuar”- theksoi Rama.

Ndërsa rektori i UT, Dhori Kule falenderoi Kryeministrin Rama për heqjen e ndërtesës së paligjshme, ku është dhënë leja për kampusin e UT dhe ka kërkuar ngritjen e Kampusit.

"Do ta vlerësoja për mundësitë që do ketë qeveria bashkë me mundësitë financiare të universitetit, që të fillojë ngritjen e këtij kampusi, që do t’i japë zgjidhej përfundimtare problemit të arsimit të lartë për sa i përket elementit infrastrukturor", i kërkoi kryeministrit Rama rektori Kule. /albeu.com/
Shtuar më 09/12/2013, ora 19:00
Shkruani komentin tuaj!
Të fundit nga kjo kategori