Në gjashtë muajt e parë të këtij viti në arkën e shtetit kanë shkuar 11 milion USD më shumë nga Albpetrol. Kryeministri Edi Rama shprehet se në 300 ditëshin e qeverisë së tij, Albpetrol kaloi nga kthetrat e korrupsionit në duart e shtetit.

"Në 300 ditë Albpetrol kaloi nga kthetrat e korrupsionit në duart e shtetit. - Një shifër krahasuese ndër më rrënqethëset (1.12 miliard lekë ose 11 milion USD më shumë të ardhura nga Albpetrol, për 6 muajt e parë 2014, 63% më shumë se 2013) tregon se ç'është bërë me pasurinë kombëtare të këtij vendi nga ata që deri dje e rrënuan Shqipërinë dhe si gjithçka, edhe Albpetrolin." shkruan Rama ne profilin e tij në Facebook.

Sipas kreut të qeverisë zotimi për rilindjen e shtetit si kujdestar i pasurisë kombëtare është një zotim i mbajtur, edhe pse ky është vetëm fillimi.