Rama ndan tapitë, irritohet vlonjati: Mos e mbush sallën me llupsa administratash
Ditën e sotme kryeministri Edi Rama ishte në Vlorë ku shpërndau çertifikatat e legalizimeve për disa banorë të Vlorës.

Dhe nëse ka disa njerëz që sot janë lumturuar shumë për shkak se tapisë që morën, ka pasur edhe reagime negative.

Ky takim ka revoltuar një qytetar nga Vlora i cili pretendon se edhe pse është socialist, ai e quan atë një shfaqje e Ramës me anëtarë të Partisë Socialiste.

Në një letër të drejtuar JOQ, vlonjati shprehet se nuk është i kënaqur me punën e Dritan Lelit dhe aq më pak të kryeministrit Rama.

Ai shprehet se populli nuk mashtrohet si dhe i bën thirrje Ramës të mos e mbushë sallën me pleq dhe me llupsa administratash.

Më poshtë reagimi i plotë i qytetarit:

Përshëndetje
Po reagoj pak për këto legalizime.

Unë ju them se ato legalizime u premtuan në vitin e parë të mandatit jo tani në prag votash. Dhe së dyti ato që ishin në atë sallë ishin të gjithë me kartë anëtarësie të Partisë Socialiste.

Unë jam një familjar dhe nuk kam asnji lloj pune për shkak se Dritan Leli më hoqi nga puna se ofendova Edvin Ramën në vjetorin e Partisë Socialiste. Këto i kanë pirë gjakun popullit për 4 vite Rama Shqipërisë, Leli Vlorës.

Si kanë surrat dhe tallen me disa leje apo me rrugën që z.Rama inaguroi dje, çfarë është kjo? Unë dhe shumë socialistë të ndershëm e quajmë këtë një akt fushate dhe jo punë. Çfarë ka bërë Edi Rama për 4 vite për Vlorën?

Asgjë edhe pse Vlora është e majtë dhe kemi fituar po ju them asgjë prej gjëje. Tani ky populli nuk mashtrohet për vota për çdo shqiptar unë them si një vlonajt dhe socialist i ndershëm i them Ramës mos e mbush sallën me pleq dhe llupsa administrash ku i ke socialistët e ndershëm, pse nuk na jep neve të ndershme legalizime apo ne të kemi kthyer kurrizin Vlora është e socialistëve të ndershëm, jo e kryekriminelit dhe hajdutit të Shqipërisë Rama dhe qenin e bashkisë Dritan Leli Kjo është reagimi im si një qytetar, si një socialist i ndershëm. /albeu.com/

Shtuar më 25/02/2017, ora 15:41

Shkruani komentin tuaj!
Të fundit nga kjo kategori