Rama: Linja Durrës-Bari, një kapitull i ri në transportin detar
Linja e re trageti Durrës-Bari, Rama e ka cilësuar si një kapitull te ri në transportin detar. Ditën e sotme, Rama ka marrë pjesë në inaugurimin e linjës së re të trageteve Durrës-Bari në portin e Durrësit.

“Nuk bëhet fjalë për ardhjen e një anije të re, po një kapitulli të ri të shumë kërkuar me mundim në këtë periudhë të parë të qeverisjes sonë, për shkak se kemi qënë të vetëdijshëm që pasagjerëve që duan të përdorin rrugën detare për të shkuar dhe për të ardhur në Europë përmes Italisë, nuk mundet dot t’u ofrohet niveli, standardet dhe shërbimi që është degraduar në vite dhe që u është imponuar si e vetmja mundësi.

Efekti i parë, akoma pa hyrë fizikisht anija Rapsody në këtë treg, gjë që ndodh më 31 korrik, me rastin e ditëlindjes së deputetit Taulant Balla është ulja e çmimeve nga konkurrentët.

Sipas tij, brenda një harku kohor prej një viti do kemi një histori suksesi dhe në këtë sektor.

“Ritheksoj që ardhja e kësaj anije dhe vendosja e këtij standardi të ri të transportit detar përmes kësaj anije është një arsye jo për t’u ndier të kënaqur, por të inkurajuar se është një provë që kërkimi me këmbëngulje i rezultateve në adresimin e objektivave çon në sukses”, shtoi Rama. /albeu.com/
Shtuar më 17/07/2015, ora 12:10
Shkruani komentin tuaj!
Të fundit nga kjo kategori