Kryeministri Albin Kurti ka thënë sonte se ka vizë për SHBA dhe mund të niset që nesër, ndërsa i ka quajtur gënjeshtra raportimet se atij i është refuzuar viza për SHBA.
Kurti ka thënë në emisionin “Desku” se ka një zell të madh për gënjeshtra në drejtim të tij dhe Qeverisë dhe se është bërë e vështirë t’i demantosh ato.
“Unë kam vizë për SHBA, mund të nisem nesër, por nuk ka asgjë të vërtetë aty. Jetojmë në kohëra të vështira, është bërë shumë e mundimshme të demantosh secilën gënjeshtër. Zelli i të tjerëve që të gënjejnë për neve nuk mund të ketë si përgjigje zellin tim për të demantuar”, tha Kurti, duke shtuar se vizita e tij është duke u përgatitur për vitin e ardhshëm. /albeu.com/
