Rama është krenar për PS-në
Edi Rama
Kryetari i Partisë Socialiste uroi sot socialistët për 22-vjetorin e krijimit të kësaj force politike. Përmes një mesazhi në Facebook, Rama shprehet se kjo ditëlindje i gjen shqiptaret ne prag të një fitoreje të madhe për një kthesë historike për Shqipërinë.


"Gëzuar ditëlindjen e PS gjithë anëtarëve të familjes sonë politike. Kjo ditëlindje na gjen në prag të një fitoreje të madhe për një kthesë historike për Shqipërinë!

Le ta festojmë aty ku ndodhet secili, në fushën e betejës zgjedhore mes Rrënimit dhe Rilindjes. Le të urojmë njëri-tjetrin thjesht Gëzuar, me krenarinë që jemi në anën e Rilindjes e jo të Rrënimit.
Në fund të fundit, krenaria e të qenit në këtë parti buron më së pari prej të qenit të PS në krahun e duhur të historisë së shqiptarëve qysh në lindjen e saj.

Gëzuar miq e shokë, vajza, djem, gra e burra, pa dallim krahine e feje, që i jepni përditë jetë dhe energji kësaj familjeje të madhe!

Festën tradicionale të kësaj ditëlindjeje do ta bëjmë pas fitores së madhe të PS dhe "Aleancës për Shqipërinë Europiane", në zgjedhjet e 23 qershorit!Deri atëherë le të luftojmë për çdo votë, shtëpi më shtëpi, zemër më zemër, në çdo cep të Shqipërisë që duam të rilindim!" shkruan Rama ne mesazhin e tij.

Gjate dites se sotme ai vijon takimet elektorale ne disa qytete. /albeu.com/
Shtuar më 12/06/2013, ora 11:51

Shkruani komentin tuaj!
Të fundit nga kjo kategori