Rama e konfirmon: S'ka negociata as në qershor e as në shtator
Komisioneri për Zgjerimin e BE-së, Johannes Hahn, në një deklaratë për mediat tha se negociatat me Shqipërinë mund të shtyhen edhe pas vjeshtës.

Lidhur me këtë vendim ka reaguar edhe kryeministri Edi Rama.

Në një postim në rrjetet sociale, Rama shkruan se ky është një lajm shumë pozitiv nga Europa, ndërsa thekson që duhet t’i rezistojmë deri në fund ofensivësbaltës dhe gurëve kundër Shqipërisë.

Postimi i Ramës:

Lajm shumë pozitiv nga Europa në rrugën e çeljes së negociatave. Pavarësisht luftës pa limite të frontit politik të së keqes,që po bën çmos të sakatojë vendin në sytë e Europës,për të bllokuar negociatat me sharje,kërcënime,molotovë e përgjime baltosëse,Shqipëria po reziston.

Ministrat e jashtëm të BE kanë miratuar në Luksemburg, kalimin tek kryetarët e shteteve të rekomandimit për Shqipërinë e Maqedoninë e Veriut,me synim muajin tetor. Le t’i rezistojmë deri në fund ofensivësbaltës dhe gurëve kundër Shqipërisë. Të gjithë bashkë në 30qershor.

Shtuar më 18/06/2019, ora 18:21
Shkruani komentin tuaj!
Të fundit nga kjo kategori