Një delegacion rus ka vizituar një aeroport në Iranin qendror të paktën dy herë në muajin e fundit për të ekzaminuar dronët e aftë për armë.
Kjo sipas këshilltarit të Sigurisë Kombëtare amerikane, Jake Sullivan dhe imazheve satelitore të marra ekskluzivisht nga prestigjiozja “CNN”.
Irani filloi të shfaqte dronët Shahed-191 dhe Shahed-129, të njohur gjithashtu si UAV ose Mjete Ajrore pa pilot, në Rusi në aeroportin Kashan në jug të Teheranit në qershor.
Të dy llojet e dronëve janë të aftë të mbajnë raketa të drejtuara me saktësi.
“Ne kemi informacione se qeveria iraniane po përgatitet t’i sigurojë Rusisë disa qindra UAV, duke përfshirë UAV-të e aftë për armë”, tha Sullivan në një deklaratë për “CNN”.
Ai theksoi se në dijeninë e SHBA-ve, vizita e qershorit “ishte hera e parë që një delegacion rus vizitonte këtë aeroport për një vitrinë të tillë”.
Lajmi vjen ndërsa Biden po përfundon udhëtimin e tij në Lindjen e Mesme, ku Irani ishte një pikë kyçe e diskutimit midis SHBA-ve, Izraelit, Arabisë Saudite dhe vendeve të Gjirit.
Partneriteti në rritje midis Iranit dhe Rusisë ilustron se pse SHBA-të duhet të ruajnë praninë dhe ndikimin në Lindjen e Mesme.
Biden mbetet nën presion nga aleatët e Lindjes së Mesme për të hartuar një plan të zbatueshëm për të kufizuar Iranin, pasi shpresat për ringjalljen e marrëveshjes bërthamore të vitit 2015 janë zbehur pas bisedimeve të ngecura në Doha, Katar, muajin e kaluar.
Zyrtarët e Shtëpisë së Bardhë zbuluan në fillim të kësaj jave se inteligjenca amerikane tregon se Irani pritet të furnizojë Rusinë me “qindra” dronë për t’u përdorur në luftën në Ukrainë.
