Nuk ka vonuar reagimi i selisë rozë në lidhje me akuzat e kryeministrit Sali Berisha i cili akuzoi opozitën se kishte “gisht” në bllokimin e projektit të interkonjuksionit.

Kreu i PS-së në një konferencë për mediat u shpreh se bllokimi i këtij projekti ishte një sjellje arrogante e qeverisë ndërsa i bëri thirrje kësaj të fundit të heqë postbllokun e korrupsionit për këtë projekt.

Berisha foli për klikën e mafias duke akuzuar si zëdhënës të mafias KfË, gazetën ‘Zëri” dhe natyrisht edhe opozitën.

"Nuk e di nëse tek mafia futet edhe partia e koalicionit të saj i cili deri tashme ka mbajtur një qendrim të kundërt më qeverinë. Berisha pretëndon se ne mbrojmë ofertën më çminin më ta lartë. Bllokimi i këtij projekti është haptas kundër interesit publik. Kryeministri la nam për përzgjedhjen e kompanisë e cila do të ndërtojë parlamentin duke zgjedhur kompaninë më çmimin më të lartë. Qëndrimi për bllokimin e linjës së interkonjuksionit është një sjellje arrogante e qeverisë shqiptare. Në emër të opozitës i bëj thirrje qeverisë të heqë postbllokun e korrupsionit për këtë projekt kaq të rëndësishëm. Përrallat më të bukura të mafias i tregojnë kapot e mafies. Nuk e di nëse Saliu është në rolin e kapos" është shprehur Rama. /albeu.com/