Qitësi më i mirë i repartit! Si e ekzekutoi komandoja me një plumb në kokë badigardin e Vis Martinajt
Policia ka zbardhur tashmë dinamikën e ngjarjes së rëndë gjatë mbrëmjes së djeshme në zonën e Bllokut ku mbeti i vrarë Fabiol Gaxho dhe u plagosen Ervis Martinaj dhe Eljon Hato.

Prej disa minutash, Ervin Mata, Fabiol Alushi si dhe Marviol Bilo ishin duke pirë verë në një lokal të njohur në zonë, ndërsa në një tavolinë tjetër gjendeshin Ervis Martinaj dhe Eljon Hato.

Në orën 21.20 ka hyrë në derë Fabjol Gaxho dhe më ta parë, Erbin Mata është ngritur duke i kërkuar llogari për një ngacmim që ai i kishte bërë këngëtares Elvana Gjata disa ditë më parë.

Në debat e sipër, Mata godet me grushte Fabjol Gaxhon duke e rrëtuar në tokë, ndërsa në ndihmë të këtij të fundit vijnë Ervis Martinaj dhe Eljon Hato. Në këtë moment, Gaxho nxjerr pistoletën duke qëlluar vetëm një herë, por përballet me reagimin e komandos M. Bilo, i cili përflitet si qitësi më i mirë i repartit të tij.

Ky i fundit ka qëlluar një herë në kokë mbi Gaxhon duke e lënë të vdekur në vend, ndërsa më pas kanë nxjerrë pistoletat edhe shokët e tjerë të tij, të cilëve komandoja gjithashtu i është përgjigjur me një plumb në qafë për Martinajn dhe një në kokë për Haton.

Duke dalë nga lokali është parë një person tjetër duke çaluar por askush nuk është paraqitur në spital. /albeu.com/

Shtuar më 05/10/2018, ora 14:53
Shkruani komentin tuaj!
Të fundit nga kjo kategori