Qeveria Rama e fillon punën me tre vendime të rëndësishme
Pas betimit në Presidencë, Kryeministri Edi Rama ka drejtuar mbledhjen e parë të Këshillit të Ministrave, me anëtarët e kabinetit të tij të sapo zgjedhur.

Në këtë mbledhje e cila u zhvillua pa praninë e mediave, u morën edhe tre vendimet e para të kësaj qeverie, shkruan Portali Albeu.com.

Vendimet janë bërë publike, në faqen zyrtare të kryeministrisë, e cila ka ndryshuar pas votëbesimit të qeverisë "Rama".

Vendimet e para të qeverisë "Rama" janë:

1. Zëvendësimin e portretit të Presidentit të Republikës në ceremonialin zyrtar me portretin e themeluesit të shtetit modern shqiptar, Ismail Qemalit;

2. Miratimin e Kodit Etik Ministror;

3. Ndalimin e importit të plehrave në Republikën e Shqipërisë.

/albeu.com/
Shtuar më 15/09/2013, ora 22:07
Shkruani komentin tuaj!
Të fundit nga kjo kategori