Qeveri besimi? Panariti: Jemi drejt një koalicioni me PS
Pas deklaratës së Ilir Metës për krijimin e qeverisë së ‘besimit’, një tjetër sinjal vjen nga radhët e LSI-së, duke lënë hapur rrugët për koalicionin me PS-në.

Pavarësisht se gjendja mes PS-LSI është më e tensionuar se kurrë, ministri i Bujqësisë, Edmond Panariti deklaroi se së shpejti mes LSI dhe PS do të ketë kompromis mes palëve.

Nga ana tjetër ai pohoi në këtë formë palët do të largohen nga agresiviteti. Po ashtu, Panariti theksoi se LSI ka shprehur predispozicionin për të qenë në ASHE.

Së shpejti do të ketë kompromis mes palëve. Palët do ulen në tryezë, do ikin nga agresiviteti. Ato janë të ndër gjegjshme të ulen për dialog.

Fryma e dialogut shpejt do japë frytet saj. E rëndësishme të fitojnë reformat. Të rikthejmë opozitën në parlament. LSI ka shprehur predispozicionin për të qenë në ASHE”, tha Panariti. /albeu.com/

Shtuar më 05/04/2017, ora 12:37

Shkruani komentin tuaj!
Të fundit nga kjo kategori