"Pushtuan" Britaninë, anglezët frikësohen nga bandat shqiptare të drogës
Prej disa vitesh shqiptarët kanë "pushtuar" shtetin anglez duke emigruar drejt tij në mënyrë masive.

Pas këtij emigrimi, shteti anglez po përballet me veprat kriminale të shiqptarëve.

Mediat vendase shkruajnë se mafia shqiptare me elementë të rrezikshëm po depërton gjithmonë e më shumë në trafikimin e drogave të rënda dhe po zë një peshë të madhe në tregun e zi në Birmingam dhe West Midlands.

“Birmingham Mail” shkruan se gangsterët shqiptarë i kanë tashmë të ndara zonat e influencës.

Sipas hetimeve thuhet se ata fillimisht ishin pjese e menaxhimit të një klubi striptizmi, të cilin e furnizonin me droga të lehta e të rënda, e duke siguruar aty edhe klientelën e vet.

Më pas, në vitin 2016, shqiptarët Bekim Domi dhe Shkëlqim Dardha u arrestuan pasi u kapën me plotë 120 mijë paund kokainë në Birmingam.

Vetëm pak kohë më parë Agjencia Kombëtare e Krimeve paralajmëroi se bandat shqiptare kanë ndikim të madh në organizatat kriminale në Britaninë e Madhe dhe se disa prej tyre janë edhe kontrolluese kryesore në tregun e trafikimit.

Në vitin 2017, policia në West Midlands arrestoi 140 shqiptarë, mbi të cilët rëndonin 51 akuza nga më të ndryshmet, sa i takon trafikimit të lëndëve narkotike. /albeu.com/

Shtuar më 15/09/2018, ora 10:47

Shkruani komentin tuaj!
Të fundit nga kjo kategori