Partia Socialiste ka akuzuar sot Ministrinë e Mbrojtjes se është e përfshirë në tregti armësh dhe municionesh. Nënkryetari i Komisionit të Sigurisë Ilir Gjoni deklaroi se ministria ka kryer aktivitete të paligjshme, përfshirë edhe përgjimet e paautorizuara.



Opozita ka shtuar akuzat ndaj Ministrit të Mbrojtjes Arben Imami duke hedhur dyshime të tjera edhe më të rënda se sa sulmet për trafik armësh. Duke iu referuar refuzimit të kërkesës së deputetëve socialistë për kontroll në këtë ministri, kreu i Partisë Socialiste Edi Rama ka deklaruar se opozita e di mirë çfarë po kërkon të fshehë ministri Arben Imami dhe se trafiku i armëve i zbuluar së fundmi, është vetëm “maja e Ajsbergut” e korrupsionit dhe shkeljeve flagrante të Kushtetutës. /albeu.com/