E FUNDIT/ Një plumb në kokë, vdes 26 vjeçari
PS: Lufta ndaj krimit nuk duhet të ketë ngjyrime politike
Partia Socialiste nuk ka qëndruar në heshtje, por ka reaguar sot në lidhje me aksionin e trafikut të kokainës në Elbasan. Sipas deputetit Besnik Bare, është qesharake që opozita akuzon policinë.

"Dëshiroj t'i bëj sot një apel Partisë Demokratike. Një apel për të qenë më realiste dhe mbështetës, të paktën në ato raste kur Policia e Shtetit arrin suksese të padiskutueshme në luftën kundër krimit dhe trafikut.

Është normale që opozita të kritikoje qeverinë, por opozita bëhet e pabesueshme kur e sulmon policinë pse ndërhyri në Lazarat, apo pse i dha fund një operacioni të fshehtë prodhimi dhe trafikimi lëndësh narkotike.

Pyetja nuk është pse policia arriti me sukses të arrestonte dhe sekuestronte një laborator sekret droge. Pyetja është pse gjatë gjithë viteve të qeverisjes së PD, një laborator i hapur, në natyrë, drogë, që nuk ishte mister për askënd, u la në liri të plotë.

Ndaj, përveç debateve politike të cilat edhe pse të tepruara janë deridiku normale, të paktën në suksesin e policisë le të jemi të bashkuar, pasi lufta ndaj drogës dhe krimit nuk duhet të ketë ngjyrime politike", përfundon reagimi. /albeu.com/
Shtuar më 16/01/2015, ora 16:11
Shkruani komentin tuaj!
Të fundit nga kjo kategori