Sapo në Francë u deklarua fitorja e socialistit François Hollande në garën presidenciale, në Tiranë deputetë dhe politikanë shqiptarë , më aktivët, në rrjetet sociale, postuan qëndrimet e tyre në facebook, dhe Twitter.

Kryetari i Partisë Socialiste Edi Rama dhe nënkryetari i Grupit Parlamentar Erion Braçe duke përshëndetur fitoren e François Hollande janë shprehur se era po fryn majtas. Franca bëri ndryshimin e madh. /albeu.com/

Nga ana e tij sekretari për Rininë në Partinë Socialiste shprehet qartë: Koha dhe per nje Rilindje Shqiptare. Biberaj shpreh konsiderata për Sarkozy. Majko: Politika mbetet edhe arti i të papriturës. Islami: Tërmet politik në Greqi.

RAMA NE TWITTER:

“Era fryu majtas ne France dhe Presidenti Hollande sa perfundoi fjalimin e tij te pare ne rrugen e ndryshimit te premtuar.Mbremje e bukur!”- shkruan Rama në Twitter.
Kreu i PS-së shkruan se i ka lënë mbresa dhe fjalimi i Sarkozi i cili duke pranuar humbjen shtoi se mbi të gjithë është Franca.

“ I bukur dhe fjalimi i fundit i Presidentit Sarkozy,ka nje gje me te madhe se ne te gjithe qe eshte Franca,uroj megjithe zemer qe t'ia dale!”

ERION BRAÇE: FRANCA BEN NDRYSHIMIN E MADH

Nënkryetari i Grupit Parlamentar të PS, Erion Brace në profilin e tij në facebook shkruan “Franca ben ndryshimin e madh! Bie Sarkozi! Hollande president i ri i Frances! Francen do ta drejtoje nje "puro socialist"! I vendosur, i ndershem, modest, i forte, luftetar mbi te gjitha! Por nje president normal!

Njeheresh, Francen do ta drejtoje nje njeri qe investoj pa fund per nje menyre te re qeverisje: Drejtesi sociale!
Braçe reagon dhe për zgjedhjet në Greqi.

Fusnote:

“Ci beri Greqise Karamanlis, por me shume, ci beri socialisteve Papandreu! PASOK deri tani bie si parti e trete!!!! Trishtim per drejtimin e nje njeriu te paqarte!”