Pronarët vrasin kamerierin për 500 mijë lekë
Pëlqej
Mungesa e një sasie prej 500 mijë lekësh nga xhiroja ditore e lokalit duket se ka qenë shkaku i një sherri të dhunshëm dhe brutal në një hotel në zonën e Drimadhes.

Nga hetimet e kryera ka rezultuar se dy pronarët e lokalit kanë ushtruar dhunë ndaj viktimës me pretendimin se viktima kishte përvetësuar një shumë parash prej 500 mijë lekësh të reja, që u përkisnin autorëve. Sipas hetimeve, ai mendohet se ka pretenduar se i kishin humbur paratë e xhiros ditore, por dy pronarët nuk e kanë besuar, kështu që e kanë dhunuar për të treguar se ku i kishte dërguar paratë.

“Pasi kanë ushtruar dhunë deri në vdekje të viktimës në ambientet e lokalit, Miklovan Zymeraj e ka transportuar trupin e viktimës me një automjet ‘Ford Fokus’ me portobagazh deri në 300 metra larg lokalit dhe e ka hedhur në shkurre”, shpjegoi policia, e cila vuri në dukje se është sekuestruar mjeti i krimit, si dhe sendet që kanë shërbyer për të ushtruar dhunë ndaj viktimës. /albeu.com/
Shtuar më 15/08/2014, ora 11:09
Shkruani komentin tuaj!
Të fundit nga kjo kategori