Ismael Bennacer konsiderohet si i pashitshëm nga Milan dhe pritet të qëndrojë gjatë në “San Siro”.
Algjeriani kërkohet me ngulm nga Leonardo, i cili dëshiron ta shohë të veshur me fanellën e PSG, por kjo gjë duket se nuk ka gjasa të ndodhë, të paktën këtë verë. Për mesfushorin, kampionët e Francës kishin ofruar 30 milionë euro, por drejtuesit e Milanit duket se kanë plane të tjera. Bennacer është pjesë e kuqezinjve që nga viti i shkuar, kur u mor nga Empoli për 16 milionë euro.
Përveç Empolit, 22-vjeçari shkëlqeu në Kupën e Afrikës, ku u shpall kampion me Algjerinë, si dhe lojtari më i mirë i turneut, duke lënë në hije edhe emra të njohur si Salah, Mane apo Aubameyang.
